Ntŭk ƀư nau kan tăch rgâl pơk êng bah Gia Lai ŭch nau ntrŭnh 198 ntrŭt dăng nau ntul rlong ân ueh ndrel hun hao
Thứ hai, 14:27, 26/05/2025 VOVTaynguyen VOVTaynguyen
VOV4.M'nông: Nau ntrŭnh mrô 198 geh Quốc hội gưl 15 nchra ưlơ 17/5/2025 mpeh du đê̆ nau kan, nau ntrŭnh khlay ân hun hao văng sa pơk êng, dôl ndâk du nau ueh mhe tâm ntŭk kan tăch rgâl bah lam dak. Ta Gia Lai, ăp nŭih ƀư nau kan văng sa ndơn nau ntrŭnh đah nau rnơm ndrel mpŏng tâm nau kan tăch rgâl êp tât mra ueh, kloh rvah, pơk trong ân rmôt kan ƀư kan êng hun hao dăng.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Wa Nguyễn Văn Bang, Giám đốc Công ty TNHH du ntŭk kan Nhất Bang, nkuăl ƀon têh Pleiku năl lah, ntoh nau ngăn bah Nau ntrŭnh lah rƀŏng trong rgâl ueh ntŭk kan tăch rgâl kloh rvah, đăp mpăn ndrel ueh ma ntŭk ƀư kan. Ngăn lah, nau n’huch rnoh tŏ mêt uănh ntŭk kan jur mô rlau du tŏ/năm, ntrŭt dăng nau ntrơn rgâl mrô, huch nau mêt uănh sŏng ndrel rklaih ngăn ăp nau ƀư kloh lah ăp nau ueh dơi tâm ntŭk ƀư nau kan tăch rgâl rnê ngăn.

            Nau kan ntơm tă bah nau mêt uănh bôk năp jêng nau mêt uănh ba kơi, jut jăng nau nkol bah ntŭk leo tăch ndơ mra pơk luh nau hun hao ueh lơn ân ntŭk ƀư kan. Ngăn lah nau kơl an manh prăk kon dêg ân ăp nau kan ndrih, mô kâp sŏk, n’huch soay ân ntŭk ndâk nau blau kan mhe ndrel nsrŭng nau nchâp rnoh soay, prăk soay ntơm năm 2026. Wa Nguyễn Văng Bang rnê preh nau kan rklaih pháp lý tĭng nau kơl an ntrong kan hành chính, dân sự rgâl ma hình sự, mô geh nau phong lah tih, mât drăp ndơ tâm di pháp luật bah ntŭk kan ma nau ntrŭnh đă mrô 198 hŏ mbơh kloh:

            ‘Đah nau kan rnôk aơ, gâp rnơm lah tơm prăk ân ăp ntŭk kan tăch rgâl bah găp ndrel jê̆, ngăn lah druh ndăm ndâk ƀư nau kan mra geh rgâl âk ngăn. Gâp rnơm lah, văng sa pơk êng mra hun hao rjăp yor geh Đảng, Ngih dak kơl an, ndrel ăp ntŭk ân manh prăk, ngân hàng mra pơk trong gay ntŭk ƀư nau kan geh ndơn manh tơm prăk ngăch ndrel nơih lơn”.

            Nau ntrŭnh 198 ntoh nau kloh rvah nau kơl an bah Đảng, Ngih dak đah ntŭk ƀư văng sa êng, uănh aơ lah du nau nsôih hun hao bah neh dak tâm rach năm mhe. Wa Phan Thanh Thiên, Kruanh rmôt ƀư nau kan tăch rgâl mom n’gor Gia Lai, kơp dơn: aơ lah du nau kan têh gay rmôt ƀư nau kan ndâk văng sa êng gĭt. Nau ntrŭnh 198 dôl geh nsum mpôl ntŭk kan tâm Gia Lai kơp dơn geh âk nau dơi. Khân păng saơ ta nê du nau ton chính trị rjăp, du nau rƀŏng hun hao jong, ndrel ngăn lah nau dơi gay ƀư aih kloh ăp ntŭk nkol lôch rơh rlau aơ. Yơn lah, wa Phan Thanh Thiên, Kruanh rmôt ntŭk ƀư nau kan tăch rgâl mom n’gor Gia Lai ân lah, ân geh nau ntrŭnh bah n’gâng kan ăp gưl tâm nau ƀư nau kan, gay leo nau ntrŭnh ngăn ngên jêng nau ntrôl ân hun hao nâp nâl bah văng sa pơk êng:

            ‘Gâp đă rđau kan n’gor kơl an âk lơn tât nau kan bah nsum mpôl ntŭk kan tăch rgâl êng, kŏ kơt lah rmôt ƀư nau kan tăch rgâl mom Gia Lai. Ê lor, ăp nau ntrŭnh, nau kan kơl an ân kloh rvah, kơl an ntŭk ƀư nau kan geh ndơn dŏng ngăch lơn ăp nau kan, nau ƀư pháp lý. Nkre lah, an pơk trong nơih lơn gay ntŭk ƀư nau kan tăch rgâl geh ndơn manh tơm prăk kơl an, kơl ăp băl mom tâm rnôk ndâk nau kan ndrel hun hao bah ntŭk ƀư kan. Ndrel nê lah nau ndâk ăp bôk nau kan tâm mâp nchră nau kan tăch rgâl, ƀư ăp nau tâm nchră ntĭm nti mpeh nau mât, ntrơn rgâl mrô, gay n’hao nau dăng dơi nau ntul rlong ân ntŭk kan bah n’gor”.

            Nau ntrŭnh 198 mhe geh Quốc hội nchră mô êng pơk luh nau dơi mhe ân văng sa pơk ƀư êng Việt Nam, ma hôm mpoh nau rnơm ndrel nau ŭch hun hao bah nsum mpôl ntŭk kan, ngăn lah tâm ăp nkuăl geh âk nau dăng dơi kơt Gia Lai. Rnôk ăp nau ntrŭnh geh tât nau dơi mhe geh ƀư ngăn ma nau kan rjăp ndrel tâm ban tă bah n’gâng kan ăp gưl, ntŭk ƀư nau kan tăch rgâl ndrel mra jêng kloh rvah, săk tam lơn, pơk trong gay nau kan văng sa êng jêng nau nsôih khlay tâm nau hun hao neh dak. Đah nau mra rgâl mhe, nsum mpôl ƀư nau kan tăch rgâl bah Gia Lai nsum n’hâm, tâm ban nau mĭn gay njêng nau mpŏng jêng nau ngăn, rgop ngăn tâm nau hun hao nâp nâl bah nkuăl ndrel lam dak./.

VOVTaynguyen

Viết bình luận

TIN CÙNG CHUYÊN MỤC