
VOV4.M’nông: Kêng măng 4/7, Thủ tướng Chính phủ Phạm Minh Chính ndrel ăp nŭih kan tâm Chính phủ, ăp nkuăl hŏ nchră mpeh ăp bôk nau nkra trong tơm khlay bah neh dak. Ntoh nau tâm nar rƀŭn, Thủ tướng Chính phủ Phạm Minh Chính ân lah, nau ntrŭnh ƀư ăp nau kan tơm khlay bah neh dak lah nau ƀư nau kan khlay ma Nau ntrŭnh Đại hội XIII bah Đảng nchŏng kloh. Thủ tướng đă ăp N’gâng kan, ntŭk kan, n’gor ân geh lŏ kơp uănh, ƀư ueh nau nchrăp ntuh kơl. Ntrŭt dăng ngăn nau ntrơn ntŭk gŭ, tâm nê ƀư ueh nau khlay bah n’gâng kan tâm ntŭk. Pă tŏng prăk gay ma ƀư ăp nau kan ndrel leo dŏng prăk ân geh săk tam. N’gâng kan ndâk nkra, N’gâng kan ntŭk ntu gŭ âm lŏ kơp uănh, lah hôm kol ri doh rklaih nkre gay geh ăp ntrong, ăp ndơ dŏng ân ăp nau kan. Thủ tướng đă ân ngăch ƀư rjăp Rnâng kan rđau kan neh dak mpeh nau hun hao ntŭk ntu, ăp nkuăl ndâk rmôt ƀư kan, tâm nê Kruanh UBND lah nŭih tơm kan gay ma ntrŭnh ƀư ndrel ma rklaih ăp nau kol ntoh tâm rnôk ƀư ăp nau kan./.
Nŭih rblang: H’Thi
Viết bình luận