N’gor Dak Lak dôl nsôih rgum ăp nau kan rgâl mhe ntŭk ntu ntuh kơl, tâm nê, mbơh rnoh nau kan ntuh kơl gay rgum ntŭk kan tâm ndrel bah dih dak tât ma n’gor. Ntơm bôk năm tât rnôk aơ, geh 37 ntŭk kan tâm ndrel bah dih dak tât joi nau dơi gay ntuh kơl tâm n’gor Dak Lak. UBND n’gor ân ƀư nau ntrŭnh ntuh kơl ân nau kan FDI geh rnoh đăng kí 16,5 rmen. Aơ lah rnoh mô âk đah n’gor geh năl lah geh âk nau dơi gay hun hao kơt Dak Lak.

Nkô̆ nau ƀư nau rgum ntuh kơl tâm Dak Lak mô âk ngăn lah yor nau kol, nau ê dơi mpeh ntŭk neh dŏng kan “kloh” đah rnoh âk gay vơt ăp ntŭk kan tăch rgâl geh nau ŭch ƀư kan nkre. N’gâng kan nchrăp kan ndrel ntuh kơl Dak Lak dôl nsôih tâm rgop nsum ma rmôt kan geh tât ƀư jêh nau kan rgum ntuh kơl geh nau dơi, nau dăng gay mbơh UBND n’gor ơm mbơh tât ăp tơm ntuh kơl gay ma rgum ntŭk kan tâm ndrel bah dih dak tât ma n’gor./.