Ta rơh rƀŭn nchră aơ, Quốc hội mbra geh săch kruanh dak, kruanh Quốc hội, uănh n’hêl mbơh tơih 10 nău nchrăp luật, an tâm rgop 11 nău nchrăp Luật, tâm ban kơt ntrŭnh mbơh ăp nău wăng sa- rêh jêng, tơm prăk ngih dak, uănh n’hêl n’hanh ăp nău kan khlăy êng.

Rơh rƀŭn nchră aơ geh ƀon lan n’hanh cử tri dŭt mât uănh, knơm Quốc hội mbơh an dŏng Luật neh ntu geh nău tam dŏng bâh lơ 1/7/2024. geh ƀư tâm rnôk n’gâng kan wăng sa dak he dôl dâk ta năp nău ntul rlong, ƀon lan n’hanh cử tri lam dak knơm ăp đại biểu Quốc hội n’hao nău dơi kan, nău mĭn kan, ndrel tâm nchră, nsrôih ƀư  lôch dơi ăp nkô̆ mpŏng kan wăng sa- rêh jêng geh Quốc hội ngluh mbơh an năm 2024, njêng nău kan nâp dăng an nău ƀư lôch ăp nkô̆ nău ngluh mbơh an lĕ năm kan lvang 2021-2025.