Ƀư tĭng bôk nău kan “Tăm 1 rmen tơm si nđir lvang năm 2021-2025” bâh Thủ tướng chính phủ, tỉnh Lâm Đồng dơn tăm 50rkeh tơm si nđir ăp ntil.

Kơp tât lĕ năm 2023, Lâm Đồng lĕ geh tăm 26,3 rkeh tơm si nđir, geh 52,5% nău nchrăp. Gay ma mât đăp mpăn tăm lôch tơm si nđir hôm e, tâm năm 2024, Lâm Đồng lĕ geh nău nchrăp tăm an rlău 13,6 rkeh tơm si nđir ta lam n’gor . Ntoh ngơi ta rơh rgŏ jă, wa Nguyễn Thái Học, ndơn ƀư Bí thư n’gor Ủy Lâm Đồng lah na nê̆, ăp tơm si nđir tăm nar aơ mbra ntop ƀư ueh ntŭk gŭ rêh, n’hao rnoh nkŭm n’hâm bri n’hanh tâm rdâng đah rgâl trôk nar mih sial, ngoăy tâm âk nău ntul rlong têh ma kon nuĭh dôl tâm rdâng. Lôch geh rơh rgŏ jă, rlău 1 rbăn cán bộ, công chức, mpôl tahen, ƀon lan n’hanh năch pâl nđaih lĕ râng tăm rlău 2 rbăn tơm n’ho pe n’ha n’hanh 750 tơm mai anh đào rgŏ trong yôk Pren, Đà Lạt.