Ôi lơ 1/6, ta Ngih mprơ Sông Hương, Nkuăl ƀon têh Huế, Bộ Lao động, Thương binh ndrel Xã hội tâm rgop nsum đah UBND n’gor Thừa Thiên Huế ƀư rgŏ jă khay kơl an yor kon se năm 2024, đah nkô̆ “Ƀư nau kan ngăn, kơl an ân kon se”. Geh ntơm lơ 1-3/6, Khay kơl an kon se ăp năm gay ƀư nau ntrŭnh bah Luật kon se mpeh Khay kơl an kon se ăp năm gay ntrŭt dăng nau kan lam ƀon lan mât chăm, ntĭm nti ndrel mât kơl an kon se, nkoch trêng, mbơh, bonh đă ntŭk kan, ntŭk ntĭm nti, rnăk vâl, nŭih ƀư nau kan, bôk nau kan, nau nchrăp, ndâk ăp nau kan ndrel dŏng nau kơl an ân kon se, nkre ntrŭnh nau nchrăp kan, nau kan ƀư tĭng nau rđau mrô 28, lơ 25/12/2023 bah Bộ chính trị mpeh nau n’hao nau mât chăm, ntĭm nti ndrel mât kơl an kon se.

Tŏng dơi nau ŭch hun hao neh dak nâp nâl, ueh lăng. Nau ntrŭnh đă ndrel nau ƀư kan ma Khay kơl an kon se năm aơ ŭch nkoch, njoăl tât ăp nŭih ƀon lan lah: Ƀư kan ngăn, kơl an ân kon se; Kơl an lor nau dơi ân kon se gay tŏng nau ŭch hun hao neh dak đăp mpăn, ueh lăng’ Mât đăp mpăn nau dơi ƀư tơm bah tơm prăk ngih dak gay ƀư nau kan đah kon se; đăp mpăn nau dơi kon se lah ân geh n’gâng tơm bah nau ntrŭnh, nau kan hun hao neh dak, Lam ƀon lan mât chăm, ntĭm nti ndrel mât kon se./.