Ta nkuăl ƀon têh Côn Minh, n’gor Vân Nam, Trung Quốc hŏ geh rơh rƀŭn Kruanh Uỷ ban tâm boh n’har bri tâm neh kơh Việt Nam-Trung Quốc. Tâm nê, nau khlay lah tâm rgop ƀư ăp nau nkah 15 năm ký ton nau tâm boh kan pă n’gâng n’har neh tâm neh kơh Việt Nam-Trung Quốc, tâm boh nsum mpeh nau mât nkuăl n’har bri tâm neh kơh Việt Nam-Trung Quốc; dôl geh ƀư dŏng rlong, nau nchrăp, nau kan geh tât nau dŏng ngăn Ntŭk pâl n’aih Bản Giốc (Việt Nam-Đức Thiên (Trung Quốc) tâm năm 2024 ndrel du đê̆ nkô̆ nau geh êng.

Tâm rơh tât, bar ding mra tâm pă tâm rgop ngăn tâm nau kan Uỷ ban tâm boh n’har bri tâm neh kơh Việt Nam-Trung Quốc, ƀư ueh nau mât nkuăl n’har bri, mpông n’har tĭng 03 nau ntrŭnh pháp lý n’har bri tâm neh kơh Việt Nam-Trung Quốc ndrel ăp nau nchrăp geh tât, ntrŭt dăng tâm boh, hun hao tâm nkual n’har bri, ndrel ndâk nkuăl n’har bri bar dak đăp mpăn, tâm boh, nâp nâl ndrel hun hao./.