Ôi nđaơ (30/5) ta Ngih Chính phủ, Bí thư Trung ương Đảng, Groi Thủ tướng Lê Minh Khái wơt Kruanh N’gâng kan Prăk kaih Lào Santiphab Phomevihane ndrel Mpôl pah kan hăn khâl, pah kan ta dak he. Ta nar wơt, Groi Thủ tướng Lê Minh Khái mĭn lah, Đảng, Ngih dak n’hanh nuĭh ƀon lan Việt Nam uănh khlay n’hanh kơl lor bôk năp an nău nâp nâl n’hanh n’hao tâm boh dăch dêh têh, tâm rnglăp têh n’hanh kan ndrel lĕ rngôch đah 2 dak Việt Nam-Lào.

Groi Thủ tướng Lê Minh Khái mpŏng 2 ding kan ndrel tay ƀư ăp tâm ton kan ndrel gưl prêh nsum bah Ủy ban 2 chính phủ Việt Nam-Lào, kơt ăp nău mbơh gưl prêh, tâm ton đah 2 n’gâng kan, rgop hun hao wăng sa, rêh jêng 2 dak; lah rjăp, Chính phủ Việt Nam mbra ntop kơl tay, nta an 2 nău kan prăk kaih tâm rgop rjăp, mbơh ƀư săk rnglăy ăp nău kan dơi jao.