Nkhêp geh wa Trần Thanh Mẫn dơi sơch ƀư Kruanh Quốc hội dak Cộng hòa xã hội chủ nghĩa Việt Nam ta Rơh hop tâl 7, Quốc hội khóa XV, nar 31/5, Tổng thư ký AIPA Ar. Siti Rozaimeriyanty Dato Haji Abdul Rahman hŏ njuăl siƀŭt mbah rhơn. Tâm siƀŭt, Tổng thư ký AIPA hŏ njuăl nău lah uĕh dŭt n’hâm tât Quốc hội Việt Nam yor nău ntop kơl  n’hanh tâm boh lhăt đah AIPA n’hanh Ban Thư ký AIPA.

Njuăl tât Kruanh Quốc hội Trần Thanh Mẫn nău mbah rhơn dŭt răm mƀak nkhêp geh dơi sơch ƀư Kruanh Quốc hội dak Cộng hòa Xã hội Chủ nghĩa Việt Nam, Tổng thư ký AIPA nsing nơm an lah, đah nău tă ơm gĭt kan ƀư Groi Kruanh rnâng kan Quốc hội, Kruanh Quốc hội Trần Thanh Mẫn mbra ntrŭt ntrôl nău hun hao lơn đŏng bah Quốc hội Việt Nam, n’hao dăng n’hanh êt lhăt lơn tâm boh đah Quốc hội Việt Nam - AIPA, rgop an nău têh  ndrŏng nsum bah nkual ASEAN.