Lâm Đồng lam n’gor geh rnoh nŭih ji rtoh trong mham âk ndal, đah âk jêt nŭih geh kơp dơn tâm ăp pơh, tâm nê lĕ geh nŭih khĭt. Rnôk aơ, tâm ăp pơh, n’gor Lâm Đồng kơp dơn rlau 70 nŭih ji rtoh trong sre mhe. N’hao rnoh nŭih ji tâm lam n’gor geh 1.200 nŭih, âk rlau bar tŏ rđil rơh aơ năm e. Tâm rnoh aơ, geh 4 nŭih jâo ndrel du hê nŭih lĕ khĭt. Wa Vũ Đức Nhuần, Groi Kruanh UBND nkuăl Di Linh mbơh, sê ji rtoh trong mham tâm nkuăl dôl hao âk ndrel rlet rlau nau mbơh nkah, đah rlau 300 nŭih geh kơp dơn tâm 47 ntŭk srê.

Ndri ma nau kan njrăng rdâng srê ji rtoh trong mham dôl geh nkuăl ƀư ndal. N’gor Lâm Đồng hŏ nkah mbơh nau tât khuch bah srê rtoh trong mham bah nkual, nkre ƀư nau nkah nau tât bah srê rtoh trong mham tâm nkuăl, đă ƀon lan n’hao nau kơt tĭng ăp nau kan njrăng rdâng srê rtoh trong mham ueh nâp./.