Ủy viên Bộ Chính trị, Kruanh Ban Tổ chức Trung ương Lê minh Hưng mhe geh nar pah kan đah Ban Thường vụ N’gor ủy Khánh Hòa. Ta nar pah kan, kruanh n’gor Khánh Hòa mbơh đah Mpôl pah kan bah Ban Tổ chức Trung ương mpeh nu nău wăng sa rêh jêng, trong kan ndâk njêng Đảng 10 khay năm 2024 n’hanh du đêt nău kan khlay tâm khay tât. Ntoh ngơi ta nar pah kan, Kruanh Ban Tổ chức Trung ương Lê Minh Hưng đă Ban thường vụ N’gor ủy Khánh Hòa uănh tât ntĭm rđău, ƀĭt joet ƀư uĕh du đêt nău kan khlay tâm khay tât; mô rlu rgâl mhe trong ntĭm rđău bah Đảng;

Ntrôl dăng rgâl sam ƀŭt sam tra hành chính tâm Đảng; N’hao ntĭm rđău bah Đảng, lơn lah nău ntĭm rđău bah Đảng đah n’gâng kan ƀon lan, Mặt trận Tổ quốc n’hanh ăp Rmôt kan chính trị-rêh jêng; n’hao nău ntĭm rđău bah Đảng đah trong kan ƀĭt joet cán bộ; ƀư tĭng  rjăp nău kan nuĭh djôt bôk tâm rgâl nkra hành chính n’hanh ndâk njêng rmôt kan dơh nơih, pah kan săk rnglăy ta ngih pah kan, ntŭk kan, ƀon lan ta ntŭk.