Lŏ rơh rƀŭn tal 8, ôi 7/11, Quốc hội pah kan ta ngih rƀŭn, nchră mpeh nau nchrăp luật rgâl mhe, ntop tay du đê̆ điều bah Luật Chứng khoán, Luật Kế toán, Luật Kiểm toán độc lập, Luật tơm prăk Ngih dak, Luật mât, dŏng drăp ndơ nsum, Luật mât soay, Luật mêt têm bah neh dak ndrel nau nchrăp Luật Điện lực (rgâl nkra). Quốc hội tâm nchră mpeh nau nchrăp Luật Điện lực (rgâl nkra), tĭng nau mbơh, nau chrăp Luật Điện lực jêh 20 năm ntrŭnh ƀư ndrel 4 tŏ rgâl ntop tay, yơn tât rnôk aơ hôm ê geh tŏng dơi ăp nkô̆ nau ƀư bah ăp nau kan bah Đảng đah nau kan ŭnh nar lah nsum ndrel điện lực lah êng.

Nau nchrăp Luật Điện lực (rgâl nkra) geh 9 chương, đah 119 điều hao 60 điều rđil đah luật ơm. Tĭng wa Nguyễn Quang Huân, rmôt Bình Dương, nau nchrăp luật ân geh nau ntrŭnh n’hêl mpeh nau n’hao dơi ŭnh nar njêng mhe gay rƀŏng tât ndrih. Mĭn nau nchrăp Luật Điện lực (rgâl nkra) wa Cẩm Hà Chung, rmôt kan Phú Thọ ân lah, nau nchrăp luật ntrŭnh ân geh rklaih n’hêl, der nau nsum jêr ƀư./.