Tâm rnôk hăn râng rƀŭn gưl prêh tâm boh nkuăl Mekong pơk hvi tal 8 ndrel nau kan ta Trung Quốc, lơ 6/11, Thủ tướng Phạm Minh Chính hŏ vơt wa Vương Ninh, Bí thư n’gor uỷ n’gor Vân Nam, Trung Quốc. Thủ tướng Chính phủ Phạm Minh Chính lah rjăp, Vân Nam geh ntŭk kan khlay tâm nau rgum tâm boh Việt-Trung. Việt Nam ndrel Vân Nam geh nau dơi, nau dăng gay hun hao tâm boh, geh âk nau dơi tâm ntop, nkre ŭch, nau geh bah 2 ding tâm nau tăch rgâl, rloh rlau lah nau têh.

Thủ tướng đă Vân Nam hăn lor tâm nau kan ƀư nau gĭt dơi nsum gưl prêh ndrel ăp nau ton lah nsum, n’hao nau tâm n’ur đah ăp n’gor bah Việt Nam. Thủ tướng kŏ ŭch bar ding tâm rgop ngăn tâm nau mât ntrong n’har tĭng 3 nau ntrŭnh mpeh n’har bri neh kơh ndrel ăp nau geh tât, tâm rgop ƀư ueh nau nkah di 25 năm kí ton nau tâm boh n’har bri neh kơh ndrel 15 năm kí 03 nau ntrŭnh pháp lý mpeh trong n’har bri neh kơh tâm năm 2024./.