Ôi 6/11, Tổng Bí thư Tô Lâm hŏ ƀư tơm rơh tâm nchră ăp kruanh rđău  kan Đảng  n’hanh Ngih dak ơm rgop tâm ăp trong nchrăp siƀŭt hao rblang dăn Đại hội XIV bah Đảng. Ta tâm nchră ăp nuĭh hŏ rgum an nău rgop tâm siƀŭt mbơh chính trị bah Ban Chấp hành Trung ương Đảng khóa 13, mbơh uănh năl jêh geh 5 năm tĭng ƀư trong hun hao wăng sa rêh jêng kon nuĭh 10 năm lvang năm 2021-2030, trong rƀŏng hun hao wăng sa- rêh jêng kon nuĭh 5 năm lvang năm 2026- 2030, mbơh n’glôch jêh pah kan rdâk njêng Đảng n’hanh dŏng Điều lệ Đảng n’hanh mbơh n’glôch jêh du đêt nkô̆ nău lý luận n’hanh ngăn ngăn bah rơh rgâl mhe neh dak tĭng trong rƀŏng xã hội chủ nghĩa tâm 40 năm aơ.

Lah ta rnôk tâm nchră, Tổng Bí thư Tô Lâm lah kloh, ăp siƀŭt hao rblang dăn Đại hội Đảng tâl 14 ân lah ndơ geh ƀư luh rsang rnglăy bah nău gĭt blău nsum mpôl lam đảng lam ƀon lan, lam tahen. Jêng ân ntik  n’hao nău tâm ban bôk rngok nsum  mpôl, ân geh nău râng rgop bah ăp nhih pah kan, n’gâng kan Trung ương, ăp n’gor, ăp mpôl kan chính trị rêh jêng n’hanh ƀon lan, lơn lah nău tât râng rgop bah ăp kruanh rđău kan ơm Đảng, Ngih dak.