Ta rơh hop way nkô̆ tâl 15, HĐND n’gor Dak Lak, ƀư nar ntri (6/11), UBND n’gor Dak Lak hŏ geh siƀŭt rblang dăn mpeh trong nchrăp ntuh kơl năm 2025. Tĭng siƀŭt rblang dăn dja, UBND n’gor dăn đă HĐND n’gor mĭn uănh, rgâl hŭch du đêt trong nchrăp n’hanh tơm prăk lvang năm 2021-2025. 

Nkô̆ lah tơm geh sŏk prăk ngân sách n’gor hŭch hang rbăn rmen prăk, mô tŏng prăk an ăp trong nchrăp kan. Lĕ rngôch trong nchrăp ntuh kơl năm 2025 bah n’gor Dak Lak nchrăp bơi 9.316 rmen prăk bah ngân sách. Tâm nê, tơm prăk n’gor lah 4.569 rmen prăk. Yơn lah, sŏk geh ngân sách bah n’gor lvang năm 2021-2025, nchrăp hŭch rlău 2 rbăn rmen prăk jêng jêr ƀư dơi tĭng trong nchrăp lvang năm 2021-2025. UBND n’gor Dak Lak dăn đă HĐND n’gor mĭn uănh, rgâl hŭch du đêt nkô̆ mô hŏ tĭng ƀư, tĭng nău ŭch geh ngăn ngăn n’hanh tĭng Nghị quyết bah HĐND n’gor.