Tĭng Ntŭk uănh nđôi kop ji (CDC) n’gor Dak Lak, ta n’gor mhe djôt dơn nuĭh tal 3 khĭt yor duh rtoh luh mham rih. Bu ur ji deh năm 1976, ta thôn Cư Bang, xă Cư Pơng, nkuăl Krông Búk. Tĭng nuĭh rnăk wâl, nar 9/10, nuĭh aơ ntoh ăp nău ji duh hô na nao, nuĭh ji ŏk n’hanh lĕ ngêt êng dak si yơn mô bah.

Bah lơ 10 tât lơ 14/10, dơi ndơ̆ săm ta Bệnh xá Quân dân Y Công ty Cà phê 15; Ngih dak si Đa khoa Hòa Bình, nkuăl têh Buôn Hồ; Ngih dak si Thiện Hạnh n’hanh Ngih dak si Đa khoa nkual Tây Nguyên. Ta ăp ngih dak si, nuĭh ji dơi nchroh geh duh rtoh luh mham rih Dengue ta n’gu ji săk lăi n’hanh geh nău rêng dak ntô bah dih play nuih, hŭch tiểu cầu. Kơp tât lơ 17/10, n’gor Dak Lak kơp dơn rlău 5.000 nuĭh ntưp duh rtoh luh mham rih, tâm nĕ geh 3 nuĭh khĭt.