Nar nđaơ (30/5), Mpôl pah kan Tiểu ban văn kiện Đại hội 14 bah Đảng yor wa Nguyễn Xuân Thắng, Kruanh Hội đồng lý luận Trung ương, Giám đốc Học viện Chính trị quốc gia Hồ Chí Minh, Rnâng kan Tiểu ban Văn kiện, Tổ trưởng Tổ biên tập Văn kiện Đại hội 14 ƀư kruanh mpôl pah kan đah Ban Thường vụ Thành ủy Hải Phòng. Ta nar pah kan, wa Nguyễn Xuân Thắng uănh lah prêh nuih n’hâm rgâl mhe, janh mĭn, janh ƀư, nsrôih rlet rlău ăp jêr jŏt, ntŭl rlong bah Đảng bộ, n’gâng kan ƀon lan n’hanh nuĭh ƀon lan Nkual ƀon têh Hải Phòng.

Wa đă Nkual ƀon têh Hải Phòng rgum ntĭm rđău tay, ƀĭt joet gay lôch jêh âk ngăn ăp nău rƀŏng ma Nghị quyết Đại hội Đảng bộ Nkual ƀon têh rơh tal 16 lĕ n’gluh an; n’hao uĕh nău rêh bah nuĭh ƀon lan; n’hao tâm rgop nkual n’hanh râng geh tam tâm ăp trong wăng sa; bah nĕ, ƀư dơi nău rƀŏng tât năm 2030, ndơ̆ Hải Phong jêng nkual ƀon têh công nghiệp mhe, uĕh blău, nâp nâl, mĭn lah nău tơm hun hao bah neh dak.