Ôi ntri (31/5), Thủ tướng Chính phủ Phạm Minh Chính tât khâl n’hanh pă nklâm ndơ ăp kon se jê̆ ta Ntŭk rgum pêt mât kon se quet nte Hà Nội nkhêp geh Nar kon se lam ntŭr neh 1/6 n’hanh khay kan an kon se 2024. Ntơh măt kruanh rđău kan Đảng, Ngih dak, Thủ tướng rhơn ăp kon se mbra geh du khay rlu nti rhơn mƀak, đăp  mpăn n’hanh uĕh reh bah meng rnăk wâl, me bơ̆ n’hanh băl mpôl.

Thủ tướng an gĭt, ăp năm aơ, Đảng, Ngih dak he way êng uănh khlay tât pah kan mât chăm n’hâm suan kon se, nta trong dŭt dơh gay kon se dơi hun hao lam lĕ rngôch, geh ntŭk gŭ rêh  đăp mpăn kloh uĕh; uănh khlay, djăt, mĭn uănh, plơng ơh, nău ŭch rŏng bah kon se; mô mưch rmot n’hanh đăp mpăn nău geh dŭt uĕh bah kon se tâm ăp nău n’glêh an geh  tât; uănh aơ lah nkô̆ nău têh jong. Ăp gưl, ăp n’gâng kan, ăp n’gor,  ăp mpôl kan nsum mpôl n’hanh ƀon lan uănh khlay, ntuh kơl, mât chăm an pah kan ntĭm  nti, mât chăm kon se, lơn  lah đah kon se ach o, kon se geh nău rêh dŭt jêr jŏt mha êng, kon se quet nte, kon se kon đơi./.