Nkhêp di “Khay pah kan yor kon se”, kêng măng 28/5, ta Ntŭk kruanh dak, Kruanh dak Tô Lâm mâp măt rnê rhơn ăp kon sau công an khĭt, kon mât rmôt bu ur công an, kon mât công an xã n’hanh kon cán bộ tahen công an geh giải lam dak, dak bah dih. Ăp năm bah năp, Đảng ủy Công an Trung ương, kruanh N’gâng kan Công an uănh mĭn tât trong kan kon se, ndâk njêng rnăk wâl cán bộ tahen Công an uĕh lăng, nâp nâl.

Tât aƀaơ, geh rlău 3 rbăn kon se kon dơi, geh nău rêh jêr jŏt dơi công an ăp ntŭk, n’gor dơn mât mât rong, ntop kơl. Lĕ rngôch ăp kon mât, ăp kon sau bah cán bộ, tahen Công an nti, tiăr nti uĕh, gĭt blău, wât nău đah u che, me bơ̆. Ntoh ngơi ta nar mâp măt, Kruanh dak Tô Lâm đă ăp ban, n’gâng kan, nău kan, gưl ủy n’gâng kan ƀon lan ăp gưl rgum mbơh ƀư dŭt n’hâm, săk rnglăy ăp nău ntrŭnh bah Đảng, nău kơl pháp luật bah Ngih dak mpeh mât rong, ntĭm nti, mât njrăng kon se đah ăp nău rƀŏng na nê̆, nĕ lah “Lam kon nuĭh mât rong kon se, kon se moh nău rêh jêng an dơi mât rong uĕh”.