Kêng măng 30.5, ta ntŭk kan Kruanh dak, Kruanh dak Tô Lâm hŏ vơt nŭih kan ntoh măt, ntoh ân ăp dak ASEAN ndrel Timor-Leste ta Hà Nội tât mbah ndrel rhơn Kruanh dak mhe dak Cộng hoà xã hội chủ nghĩa Việt Nam. Kruanh dak lah rjăp ASEAN geh nau kan khlay, lah du gưl mô dơi nkah tâm nau kan tâm nchră bah Việt Nam. Kruanh dak rhơn bah năp ăp nhoat hun hao ueh bah nau tâm boh đah Việt Nam ndrel ăp dak Đông Nam Á tâm rnôk tâm boh bar ding ndrel âk ding;

Việt Nam hŏ ndâk dơi ăp nau dơi tâm boh kan nsum ăp ntil ndrel đah ăp dak kan nsum ASEAN; lah rjăp nau kơl an ndrle ŭch Timor Leste ơm jêng dak kan nsum ăp tŏng bah rnăk vâl ASEAN. Kruanh dak ŭch ăp ntoh măt mro lah ntung njŏ khlay, rgop âk lơn tay tâm nau ntrŭt dăng tâm boh, kan nsum đah Việt Nam ndrel ăp dak Đông Nam Á, ndrel geh nsum nau ndâk ASEAN tâm rnglăp, nâp nâl, grăp ntil bah nau đăp mpăn, tâm boh ndrel hun hao bah nkuăl ndrel lam ntur neh./.