Ôi 28/5, Thủ tướng Phạm Minh Chính râng rƀŭn nchră mbơh Dăp rgum n’gor Ninh Bình năm 2021-2030, uănh tât năm 2050. N’gor Ninh Bình lah n’gor gŭ ta bah dâng dak me Hồng, geh nău khlay n’ăp mpeh chính trị, wăng sa n’hanh mât njrăng bri dak-rnă njrăng; lah mpông luh mpeh bah dâng bah nkual mpeh Bắc. Thủ tướng ntĭm kloh, nău rƀŏng mpeh dăp rgum n’gor tât năm 2030, Ninh Bình lah n’gor ndrŏng.

Tât năm 2035, n’gor Ninh Bình jêng nkual ƀon têh mpeh tâm Trung ương đah ntĭt mpơl nkual ƀon têh drăp ndơ ơm yău, nkual ƀon têh mĭn ƀư mhe; du ntŭk rdâk njêng rgâl mhe. Gay dơi ƀư nău rƀŏng nĕ Thủ tướng đă, N’gor Ninh Bình an uănh khlay, rgum ƀư rgŏ jă n’hanh dŏng săk rnglăy ăp tơm prăk, rgâl hao ăp nuih n’hâm hao jêng mhe kơt wăng sa uĕh jêng, wăng sa mrô, wăng sa tâm pleh, wăng sa tâm pă, wăng sa gĭt blău, rdâng rgâl trôk nar mih sial, hun hao nâp nâl.