Dak Lăk: Rlău 1 rbăn nuĭh pah kan kơl kan ta rơh thi năm 2022.
Thứ tư, 09:43, 06/07/2022

VOV4.M’nông- Bôk nău kan tâm kơl rơh thi năm aơ ta Dak Lak lĕ geh rlău 1 rbăn nuĭh tât kơl lah sinh viên ăp ngih nti đại học cao đẳng n’hanh kon hoc ăp ngih nti trung cấp n’hanh THPT tâm n’gor mbơh dăn tât râng. Aơ lah mpôl kan mbra geh kơl ăp kon hoc tât râng rơh thi tốt nghiệp THPT nchrăp geh ƀư ta nar 7 n’hanh 8/7 atay. Ta ăp ntŭk thi, mbra geh ăp mpôl way kan đah nău kan êng êng kơt: rgum nuĭh kan, pă ndơ sa, dak ngêt n’hanh rnoh kơl an ăp nuĭh tât thi geh nău rêh jêr jŏt; kơl an kon hoc n’hanh nuĭh ta rnăk vâl tâm rnôk tât râng thi; ntĭm mbơh mpeh mât đăp mpăn hăn trong, đăp mpăn rnă njrăng ta ntŭk thi, kơl an nău kan mât uănh, mât ueh ăp ntŭk thi.

Mpôl sinh viên n’gor Dak Lak an gĭt, ndrel đah uănh khlăy kơl an ăp nuĭh thi geh nău rêh jêr jŏt, kon đơi, nkual njônh ngai, năm aơ, bôk nău kan kơl an rơh thi mbra geh mât kơl tât ăp nuĭh rnăk vâl kon hoc, ngăn lah ăp nuĭh dŭt jêr jŏt.

Nuĭh rblang: Thị Đoắt


Tags:

Viết bình luận

TIN CÙNG CHUYÊN MỤC