
VOV4.M’nông - Kêng măng 19/7, UBND nkuăl Krông Pắk, n’gor Dak Lak ƀư rƀŭn mbơh nkoch bôk nău “Lễ hội sầu riêng nkuăl Krông Pắk” rơh bôk năp, năm 2022, gay n’hao prêh ntil tơm tăm khlay bah nkuăl aơ. Đah bôk nău “N’hao prêh sầu riêng Krông Pắk”, lễ hội mbra ƀư bah nar 1/9-3/9/2022 đah âk nău ƀư: Rƀŭn nchră ntrŭt ngăch kuăl jă ntuh kơl n’hanh hun hao ndơ tuch tăm, lŏ mir nâp nâl nkuăl Krông Pắk; Lễ hội trong nkual ƀon têh; tâm nđŭr njroh mprơ n’hanh tŭr chĭng gŏ gông rnoi mpôl đêt nkuăl Krông Pắk; râng uănh nkual di tích lịch sử đồn điền CaDa; Săch “Mir sầu riêng uĕh-dăch uĕh ntŭk ntô gŭ âm” n’hanh sa play sầu riêng ta mir, rgum mpla tăch ăp ndơ OCOP...
Nuĭh rwăt hăn rwăt sầu riêng an ƀon lan ta nkuăl Krông Pắk
Lah ntŭk geh rnoh neh sầu riêng geh 1/4 rnoh neh sầu riêng bah lam n’gor Dak Lak, sầu riêng lĕ jêng tơm tăm khlay nsĭt tay nău geh an nuĭh ƀon lan n’hanh rgop hun hao wăng sa ta ntŭk. Lễ hội sầu riêng nkuăl Krông Pắk di rơh ntô̆ n’hao nuĭh tăm sầu riêng n’hanh ăp nău khlay wăng sa bah ntil tơm aơ nsĭt tay. Nkre tă bah lễ hội gay boăt nthoi, mpla nsơ nău geh, nău dơi ntuh kơl an mât tăm, nkret njêng n’hanh tăch paly sầu riêng ndrel đah hun hao văn hóa, pâl nđaih ta ntŭk tât tâm dak n’hanh dak bah dih.
Nuĭh rlang: Y Sưng Phê Ja
Viết bình luận