
VOV4.M’nông: Rơh thi tốt nghiệp THPT ndrel săch lăp Đại học, ntĭm nti nau kan năm aơ geh ƀư tâm 2 nar lơ 7 ndrel 8 khay 7 tâm ăp n’gor, nkuăl ƀon têh tâm lam dak. N’gâng kan Công ty Điện lực miền Trung hŏ nchrăp nau pă điện kơl an ân rơh thi, đăp mpăn ueh, mro bah ăp n’gor, nkuăl ƀon têh nkuăl miền Trung-Tây Nguyên. N’gâng kan Công ty Điện lực miền Trung đă Công ty Điện lực ăp n’gor, nkuăl ƀon têh nchrăp tâm rgop nsum đah Rnâng kan rđau kan, ăp Hội đồng thi THPT tâm ăp n’gor gĭt nau ŭch pă điện, ndâk nau kan ndrel mât đăp mpăn kơl an ân rơh thi ân ueh. Dơi gĭt, tâm 13 n’gor, nkuăl ƀon têh yor N’gâng kan Công ty Điện lực miền Trung pă điện geh 422 ntŭk thi. Ăp n’gor geh âk ntŭk nti kơt Quảng Nam (55 ntŭk), Bình Định (43 ntŭk) ndrel Gia Lai (40 ntŭk). Rnôk aơ, ăp nau kan leo ƀư, rmôt kan leo lăp dŏng, Rmôt ê nkra ngăch ƀư ăp nau kâp uănh nau rklaih nau tât, ndal kơl an tâm ăp nar geh rơh thi ndrel geh nau kơl an ân tâm di gay ma năn rklaih nau tât khuch./.
Nŭih rblang: H’Thi
Viết bình luận