Gia Lai: Uănh năl bar nău nchrăp khlăy mpeh nău kan n’huch ach o n’hanh mât rbăy hun hao tăm tơm ƀư dak si.
Thứ ba, 10:27, 05/07/2022

VOV4.M’Nông-Nar 4/7, BCH Đảng bộ n’gor Gia Lai khoa 16 năm kan 2020-2025 lĕ geh leo ƀư rơh rƀŭn nchră tal 8 pơk hvi. Rơh rƀŭn nchră lĕ ntêm âk mông nar n’hanh an tâm rgop đah 2 nău nchrăp mbơh tơih mpeh n’huch ach o ngăch n’hanh nâp nâl rnoh ach o tâm nkual ƀon lan rnoi đê̆ lvang năm 2017-2020 n’hanh mpŏng tât năm 2025; nău mbơh tơih nglôch lôch 3 năm ƀư tĭng Nghị quyết mpeh mât rbăy n’hanh hun hao tơm ƀư dak tơm ta n’gor Gia Lai tât năm 2025, mpŏng tât năm 2030. Bâh 5 năm ƀư tĭng Nghị quyết 05-NQ/TU, nău kan n’huch ach o nsum n’hanh n’huch ach o tâm ƀon lan rnoi đê̆ lĕ geh gâl ủy, n’gâng kan ăp gâl bâh n’gor Gia Lai uănh lah nău kan tơm khlăy bôk năp tâm trong hun hao wăng sa- rêh jêng ta ntŭk.

Rnoh rnăk ach o lam n’gor hŭch 12,59%, rnoh rnăk ach o tâm ƀon lan rnoi đê̆ hŭch 26,31%, rlău nău nchrăp Nghị quyết ngluh mbơh. Mpeh Nghị quyết mât n’hanh hun hao tơm ƀư dak si ta n’gor Gia Lai tât năm 2025, mpŏng tât năm 2030, n’gor lĕ geh mbơh tơih âk njoat hăn khlăy. Tâm nĕ geh âk ntŭk lĕ njêng du đê̆ nkual tăm tơm ƀư dak si rgum nsum, nsĭt tay săk rnglăy wăng sa âk. Du đê̆ nău kan bôk năp lĕ an saơ săk rnglăy n’hanh pơk luh du trong hăn mhe ntop jut n’huch ach o, hun hao wăng sa, đăp mpăn nău rêh an ƀon lan. Tĭng nĕ, tât năm 2030, Gia Lai nsrôih hun hao rnoh neh tăm tơm ƀư dak si ta n’gor geh klâp ma 20 rbăn ha.

Nuĭh rblang: Thị Đoắt

 

Tags:

Viết bình luận

TIN CÙNG CHUYÊN MỤC