
VOV4.M'nông: Nkhêp nkah ndray 75 năm Nar tahen ơm khĭt- rmanh (27/7), ôi 6/7, ta Nhih pah kan kruanh dak, Groi kruanh dak Võ Thị Ánh Xuân mâp mpôl nuĭh geh n'hâm suan ntoh lư n'gor Bắc Kạn. Nkoch bri đah nuĭh ntơh măt geh n'hâm suan đah neh dak, Groi kruanh dak Võ Thị Ánh Xuân rnê âk n'gor Bắc Kạn bol mâp âk jêr jŏt yơn way ƀư jăp pah kan nkah gĭt n'hâm suan, tĭng ƀư đăp mpăn lam rêh jêng kon nuĭh bah n'gor, rgum suan nuĭh bah lam rêh jêng kon nuĭh gay mât chăm nuĭh geh n'hâm suan.
Groi kruanh dak dăn đă n'gor Bắc Kạn mât uĕh tay ăp nău dơi hŏ geh tâm bah ri aơ; nsrôih nkoch trêng jru hvi, ntĭm nti nău way ơm rŏng dak bah rnoi nuĭh he tâm ăp rơh kơn ƀon lan n'hanh lam rêh jêng kon nuĭh mpeh nău way ơm mât njrăng neh dak, nkah gĭt nuĭh geh n'hâm suan đah neh dak tâm rơh aƀaơ; ôp ŭanh tay nău ngăn geh nău rêh bah nuĭh geh n'hâm suan ta n'gor mpeh nău rêh, nău kan, n'hâm suan, nsĭt geh wăng sa gay dăn đă đah Trung ương, ntop kơl an nuĭh geh n'hâm suan năn ngăch./.
Nuĭh rblang: Điểu Thân
Viết bình luận