Kon Tum kơl an kon se nti geh nau rêh jêr jŏt tâm rơh thi tốt nghiệp THPT
Thứ năm, 10:13, 30/06/2022

VOV4.M’nông: Ndrel ma nau nchrăp gay rơh thi tốt nghiệp THPT năm aơ geh đăp mpăn, rjăp, ăp gưl kan ndrel n’gâng kan bah n’gor Kon Tum kŏ geh nau nchrăp kơl an ăp kon se geh nau rêh jêr jŏt. Kơp tât rnôk aơ, tâm rnoh rlau 4.700 kon se nti bah n’gor Kon Tum râng rơh thi tốt nghiệp THPT năm aơ, geh rlau 1.200 kon se geh moh săk tâm rnoh geh kơl an, du hê kon se geh 314 rbăn. Tơm prăk kơl an kon se yor UBND ăp nkuăl ndrel Hội khuyến học nkuăl ƀon têh Kon Tum rgum kơl.

Ăp kon se geh kơl lah kon se rnoi mpôl đê̆ mô lah rnăk ach o, rêh kon đơi bah 28 ngih săm ƀŭt tâm n’gor. Ndrel nau kơl an mpeh tơm prăk, bah năp ndrel tâm ăp nar geh rơh thi tốt nghiệp THPT, ăp gưl kan ndrel n’gâng kan bah n’gor Kon Tum kŏ geh nau nchrăp kơl an ăp kon se geh nau rêh jêr jŏt. Đoàn n’gor Kon Tum mbơh, mom ndăm Kon Tum hŏ geh nau nchrăp ngăn gay ma ƀư ueh nau kan “kơl an tâm rơh thi” tâm 12 ntŭk thi tơm ndrel 9 ntŭk geh têm njrăng./.

Nŭih rblang: H’Thi

Tags:

Viết bình luận

TIN CÙNG CHUYÊN MỤC