Kêng măng 19/5, ta Ntŭk kruanh dak, Đảng bộ văn phòng Kruanh dak ƀư an Huy hiệu 40 năm Đảng an đồng chí Lê Khánh Hải, Chủ nhiệm Văn phòng Kruanh dak. Ta nar ƀư, ndơn măt kruanh Đảng n’hanh Ngih dak, Kruanh dak Lương Cường rnê ryơk an Huy hiệu 40 năm Đảng n’hnah mbah rhơn Chủ nhiệm Văn phòng Kruanh dak Lê Khánh Hải.

Rngot n’hanh lap dơi dơn Huy hiệu 40 năm Đảng, Chủ nhiệm Văn phòng Kruanh dak Lê Khánh Hải nkoch nuih n’hâm nkah gĭt jru tât kruanh Đảng, Ngih dak; Ban Thường vụ Đảng ủy ăp ngih pah kan Đảng Trung ương, Đảng ủy Văn phòng Kruanh dak ndrel lĕ rngôch ăp đồng chí lĕ tât râng, ntrŭt nsôr n’hanh ƀư nar têh khlay, geh âk nkô̆ nău aơ. Đồng chí Lê Khánh Hải lĕ mĭn lah mbra ndrel Văn phòng Kruanh dak tâm rnglăp tay, ndrel soan du nuih n’hâm rlet rlău jêr jŏt, nsrôih lôch uĕh nău kan chính trị bah ngih pah kan, ndâk njêng Đảng nar lơ kloh uĕh nâp dăng, rgop dŭt n’hâm tâm nău kan ndâk njêng n’hanh mât njrăng Neh dak tâm rach năm mhe, rach năm hun hao sâm ndrŏng, gĭt blău mhe, uĕh lăng.