Lôch rơh vơt, nuĭh leo kan 2 dak ƀư rơh tâm nchră tâm nău ngăn ngên, knơm n’hanh ueh nơih. Bar ding tâm mbơh mpeh nău ta ăp dak, tâm nchră nău mpong kan têh n’hanh ăp trong kan na nê̆ gay ma n’hao nău tâm kơl kan bar ding tâm let năp tay. Mpeh nău kan chính trị- nchră nău đah dak bah dih, bar dak tâm ban ŭch tâm mbơh nău kan ăp gâl, ngăn lah nău kan gâl têh, gay ma ndâk nsơm nău tâm knơm chính trị n’hanh tâm gĭt vât ndrel. Mpeh nău wăng sa, tăch rgâl, ntuh kơl, bar hê kruanh lah na nê̆ aơ lah jrŏng kan dŭt khlăy ta nău tâm boh kan bar ding, tâm ban ŭch bar dak hôm nha geh âk nău kan gay ma n’hao rnoh prăk tăch ndơ đah bar dak, pơk hvi ăp trong kan tâm kơl kơt ntrôl njêng Ủy ban bar chính phủ mpeh tâm kơl wăng sa n’hanh khoa học-kĩ thuật; mbơh tơih săk rnglăy nău tâm ton tăch rgâl đăp mpăn Việt Nam - EU (EVFTA), nta nău dơh nơih gay ma drăp ndơ bâh ăp dak geh dăch đah ntŭk tăch rgâl bar ding, bâh nĕ lăp ta ntŭk tăch rgâl EU n’hanh ASEAN.