Kruanh N’gâng kan nchrăp kan ndrel Ntuh kơl ndrel Kruanh N’gâng kan Công thương pah kan đah n’gor Dak Nông
Thứ bảy, 07:44, 02/07/2022

VOV4.M’nông: Kêng măng 1/7, wa Nguyễn Chí Dũng, Uỷ viên Rnâng kan rđau kan Trung ương Đảng, Kruanh N’gâng kan nchrăp kan ndrel ntuh kơl, ndrel wa Nguyễn Hồng Diên, Uỷ viên Rnâng kan rđau kan Trung ương Đảng, Kruanh N’gâng kan Công thương, ndrel rmôt hăn kan bah Trung ương hŏ geh rơh khâl ndrel pah kan tâm n’gor Dak Nông mpeh nau ƀư nau ntrŭnh ndrel Nau nchrăp kan bah Bộ chính trị mpeh nau hun hao văng sa, rêh jêng, đăp mpăn neh dak, njrăng njrăng nkuăl Tây Nguyên.

Lôch nar pah kan, Kruah n’gâng kan nchrăp kan ndrel ntuh kơl Nguyễn Chí Dũng mbơh, Dak Nông hŏ dơi geh âk nau kan khlay rđil nau nchrăp luh, ntrong kan chính trị, nau mât rnă njrăng geh đăp mpăn ndrel mât nâp, nau rêh nuih n’hâm, drăp ndơ bah ƀon lan, ngăn lah nkuăl rnoi mpôl đê̆ nar lơn geh n’hao prêh. Kruanh N’gâng kan Nguyễn Chí Dũng lah rjăp, Dak Nông ân geh ntrŭt dăng nau rgum n’gor, mât tâm nau rƀŏng hun hao bah Trung ương ndrel ăp n’gâng kan, ntŭk kan hŏ mbơh gay ma mât ân nâp nâl ndrel hun hao tâm di trong, ơm leo Dak Nông hun hao ngăch, nâp nâl./.

Nŭih rblang: H’Thi

Tags:

Viết bình luận

TIN CÙNG CHUYÊN MỤC