
VOV4.M’nông – Tâm rơh hăn khâl na nê̆ dak Anh, nar 30/6, Kruanh Quốc hội Vương Đình Huệ lĕ râng rƀŭn nchră kan ndrel ntĭm nti Việt Nam-Dak Anh. Ntoh ngơi ta rƀŭn, Kruanh Quốc hội Vương Đình Huệ an lah, ntĭm nti lah trong ƀư bôk năp ta Việt Nam, hun hao ntĭm nti dơi mĭn lah ngoăy tâm 3 nău rgâl mhe gay ƀư tĭng hun hao wăng sa-rêh jêng bah Việt Nam.
Kruanh Quốc hội Vương Đình Huệ ntoh ngơi ta rƀŭn nchră.
Rƀŭn nchră mpeh ntĭm nti, du gâl nău nĕ hôm khlay lơn ăp nău geh tât tăch rgâl, wăng sa, ntuh kơl. Kruanh Quốc hội ŭch, 2 ding uănh mĭn tât du đêt nău kan kơt: Chính phủ Anh ntop kơl tay an nău ntĭm n’hanh nti tiếng Anh ta Việt Nam, an prăk kơl sinh viên Việt Nam hăn nti; N’hao rnoh ăp trong tâm rgop ntĭm nti đah ăp ngih sam ƀŭt đại học têh bah Anh, tâm nĕ uănh mĭn tât nău kan khoa học, công nghệ n’hanh ntĭm nti gưl tiến sĩ.
Nuĭh rlang: Y Sưng Phê Ja
Viết bình luận