
VOV4.M’nông- Kêng măng nar 25/7, ta n’gor Quảng Ngãi, kruanh Quốc hội Vương Đình Huệ pah kan ta công ty Cổ phần trih pring Bình Sơn. Ntoh ngơi ta rơh pah kan, kruanh Quốc hội Vương Đình Huệ lah na nê̆, n’hao nău rnoh mât uănh, n’hao nău dơi kan n’hanh n’hao nău dŏng ăp nău dơi n’hanh n’hao dŏng ăp trong kan khoa học n’hanh công nghệ gay ma ntop n’hao nău geh pah kan jan sa, rnoh đăp mpăn, nău ueh di ndơ geh ƀư, n’huch rnoh prăk dŏng, mât đăp mpăn nău rêh an cán bộ, công nhân viên chức. kruanh Quốc hội nkre lah rnê âk nău kan bâh Tập đoàn dầu khí VN, tâm let năp tay, dăn đă Tập đoàn dầu khí Việt Nam; rgum rnoh kan gay ma ƀư lôch nkô̆ mpŏng trong kan hun hao n’gâng kan dầu khí Việt Nam n’hanh PVN tât năm 2025, mpŏng uănh tât năm 2035; mbơh ƀư tâm ban trong kan njêng tay doanh nghiệp bâh PVN, mât đăp mpăn n’hao săk rnglăy rnoh kan lĕ geh ntuh kơl tâm ban kơt njêng hệ sinh thái, hun hao rnoh khlăy pring xăng gay ma n’hao nău dơi tâm rlong ăp ntŭk kan an mpơl nău dơi têh dăng bâh Petrovietnam ta ntŭk kan tăch rgâl lam ntur neh.
Nuĭh rblang: Thị Đoắt
Viết bình luận