Kêng măng 29/5, ta Ngih Quốc hội, Kruanh Quốc hội Trần Thanh Mẫn lĕ mâp măt Mpôl Đại biểu Quốc hội ăp khóa n’gor Hậu Giang, di rơh sĭt nkah gĭt 80 năm Nar Săch têh lĕ rngôch bôk năp săch Quốc hội Việt Nam (6/1/1946). Kruanh Quốc hội uănh lah prêh nău hun hao wăng sa-rêh jêng, mât njrăng bri dak, rnă njrăng bah n’gor Hậu Giang jêh rlău 20 năm ndâk njêng.

Quốc hội êp tât mbra mbơh an nghị quyết nglăp nsum ntŭk kan hành chính gưl n’gor, tâm nĕ n’gor Hậu Giang n’hanh Sóc Trăng mbra nglăp nsum đah nkual ƀon têh Cần Thơ, dơi geh nău kơl êng bâh nkual ƀon têh mpeh tâm Trung ương. Kruanh Quốc hội rnê Mpôl Đại biểu Quốc hội n’gor Hậu Giang lĕ ƀư rơh hăn geh nkô̆ nău tât Tuyên Quang, khâl nkual ơm yău Ban Rnâng kan Quốc hội ta Tân Trào, rgop nkah tay nău way ơm n’hanh ntô̆ n’hao lịch sử 80 năm têh jêng, hun hao bah Quốc hội Việt Nam.