
VOV4.M’nông – Ta Ngih Quốc hội Anh, Kruanh Quốc hội Vương Đình Huệ lĕ rgum nchră đah Kruanh Thượng viện Anh John Mcfall. Ta rgum nchră, 2 kruanh rđău kan rhơn răm gĭt saơ, Việt Nam n’hanh Anh lĕ kan ndrel rjăp ta ăp trong ƀư âk ding kơt Liên hợp quốc, rƀŭn nchră kan ndrel Á-Âu (ASEM) n’hanh tâm rnôk kan ndrel ASEAN-Anh, Việt Nam kơl mro Anh ntrôl dăng kan ndrel đah ASEAN n’hanh Anh kơl ta n’gul bah ASEAN n’hanh lah ntung nthoi khlay đah Việt Nam n’hanh EU.
Kruanh Quốc hội Vương Đình Huệ rgum nchră đah Kruanh Thượng viện Anh.
2 ding tâm ban ŭch n’hao tay tâm rgâl Mpôl pah kan, ăp ngih pah kan bah Quốc hội, Rmôt Nghị sĩ hữu nghị n’hanh ăp nghị sĩ; tâm rgâl nău blău ơm pah kan nghị viện bah ăp dak; n’hao tâm rgop groi nđôi n’hanh ntrŭt đă ƀư tĭng ăp tâm ton kan ndrel ma Chính phủ 2 dak lĕ ký ton, ăp nău nchrăp kan ndrel têh; kơl Chính phủ, ƀon lan, doanh nghiệp n’hanh nuĭh ƀon lan 2 dak n’hao tâm nđŭr, ntrôl tâm boh tâm wât ndrel n’hanh kan ndrel.
Nŭih blang: Y Sưng Phê Ja
Viết bình luận