Nar ntri (4/6), Kruanh UBND n’gor Trần Hồng Thái ƀư tơm rơh Tâm nchră pơk sŏng dăng lam n’gor uănh năl tĭng ƀư trong nchrăp wăng sa – rêh jêng kon nuĭh 5 khay bôk năm 2025; nău dơn kan, trong nkra ƀư khay 6/2025.

Tâm bah ri aơ nơh, Tỉnh ủy n’hanh UBND n’gor Lâm Đồng hŏ n’gluh an dŏng dŭt âk nău ntrŭnh, siƀŭt rđău đă, ntrŭt ntrôl ăp nhih pah kan, đơn vị, ăp nkuâl, nkual ƀon têh tâm n’gor rgum  ăp tơm ndơ ntrôl ngăch n’gluh tơm prăk, ơm wat jêh đă ntrơn du gay an ƀư ăp ntŭk nchrăp kan têh khlay….Yơn, tât rnôk dja, pah kan n’gluh tơm prăk ntuh kơl bah n’gor Lâm Đồng nha hôm geh dŭt đêt, mhe ƀư geh dơi 1.446 rmen prăk tâm lĕ rngôch rnoh 9.340 rmen prăk, rŭn geh 15,5% tĭng trong nchrăp. Ta tâm nchră, Kruanh UBND n’gor Lâm Đồng Trần Hồng Thái an lah, rnoh ngăch n’gluh tơm prăk ntuh kơl ta n’gor geh đêt kơt aơ lah mô dơi dơn đêt. Păng dăn đă kruanh ăp n’gâng kan tâm dâng ntrôl ngăch, ân ƀư lĕ n’hâm suan đă ntrơn du rong neh gay ƀư ăp ntŭk nchrăp kan n’gluh dơi tơm prăk, tâm nê êng njrăng uănh khlay ƀư trong cao tốc.