
VOV4.M’nông- Lôch 1,5 nar pah kan ngăch ndăn, răng dăng, dơn kan, nar 12/7, rơh rƀŭn nchră tal 13 bâh ủy ban rnâng kan Quốc hội khóa 15 lĕ nglôch lôch. Ntoh ngơi ta rơh rƀŭn nchră nglôch lôch, kruanh QH Vương Đình Huệ lah na nê̆, ăp nkô̆ nău dơi geh uănh n’hêl na nê̆, dơi geh tâm ban n’hanh tâm di âk. Ta rơh rƀŭn nchră aơ, Ủy ban rnâng kan Quốc hội lĕ uănh n’hêl, ntrŭnh mbơh nkô̆ ŭch rgâl nău dŏng neh, bri n’hanh neh tăm ba bâh 2 yan let lơ bâh nău nchrăp kan rdâk njêng nău kan ƀư trong hăn têh Bắc-Nam mpeh luh nar lvang năm 2021-2025 n’hanh âk nkô̆ nău khlăy êng. Mpeh nău nchrăp rơh rƀŭn nchră tal 4, Quốc hội khóa 15, Tổng thư ký Quốc hội, kruanh ntŭk kan Quốc hội Bùi Văn Cường an gĭt, nchrăp rơh rƀŭn nchră tal 4, Quốc hội khóa 15 mbnra ntơm pơk ta nar 20/10/2022 n’hanh nglôch lôch ta nar 18/11/2022.
Nŭih rblang: Thị Đoắt
Viết bình luận