Njăr trong hăn nai dak si mom ƀư tĭng nău Wa​
Thứ năm, 01:00, 30/06/2022

 

VOV4.M'nông: Trung ương Hội Liên hiệp Thanh niên Việt Nam n'hanh Trung ương Mpôl nai dak si mom Việt Nam mhe ƀư Lễ hăn kan nai dak si mom tĭng nău Wa, ŭch kơl êng an n'hâm suan nsum mpôl ngăch dăng năm 2022 đah nkô̆ “Mât chăm n'hâm suan lôch bah COVID-19”. Mhe aơ, ta ăp n'gor lam dak hŏ an ƀư âk nău kan hăn kơl êng mât chăm n'hâm suan lam ƀon lan.

 

Njăr trong hăn nai dak si mom ƀư tĭng nău Wa, ŭch kơl êng mât chăm n'hâm suan nsum mpôl lam ƀon lan ƀư ntơm bah nar 14/5 tât lĕ năm aơ, rgum mât chăm n'hâm suan an nuĭh lôch bah kơi nuh srê COVID-19, đah nău ŭch geh 20 rbăn nai dak si mom râng hăn but săm, mbơh nti, mât chăm n'hâm suan lôch bah ji COVID-19 an rlău 1 rkeh nuĭh ƀon lan; rlău 3 rkeh nuĭh dơi but săm lam n'hanh mbơh nti pơk sŏng dăng bah ngai; 100.000 nuĭh ƀon  lan dơi mbơh nti, but săm ji na nê̆.

Njăr trong hăn rgŏ jă hội viên, druh ndăm râng yur êng mham 50.000 đơn vị mham, ntrŭt nsôr 1 rkeh hội viên way tiăr nti n'hâm suan nti kơt tĭng wa; kơi năp nti  nău gĭt blău an 100.000 nuĭh râng kơl mbơh nti êng ndơ sa sĭt ngăch dăng an n'hâm suan n'hanh nău gĭt blău njrăng n'gang nuh srê. Lam nuĭh ƀon lan hŏ tă ntưp COVID-19 dơi tât đah si ƀŭt mât chăm n'hâm suan lôch bah kơi COVID. Kruanh mpôl nai dak si mom Việt Nam Hà Anh Đức an gĭt:

Njăr trong hăn nai dak si mom ƀư tĭng nău Wa - yor an n'hâm suan nsum mpôl. Năm aơ, mpôl hên ŭch rgum tay, nê lah rƀŏng tât ăp nuĭh ntưp Covid-19, lah rƀŏng tât nău kan rƀŏng tât Đại hội Đoàn lam dak đŏng. Lor bôk năp dŏng ăp công nghệ mhe rlău ma trong but săm ji na nê̆, he geh trong but săm ji pơk sŏng dăng bah ngai mbra ntop kơl ntoch jong mông nar njăr trong hăn tât nuĭh ƀon lan dŭt ŭch geh nău tât kơl, bah meng nê mbơh nti na nê̆ ma điện thoại, teleheath, gay mbơh nti na nê̆ an nuĭh ƀon lan".

        Râng rơh lễ rgŏ jă gưl trung ương ta n'gor Thừa Thiên Huế, Kruanh Ban Kinh tế Trung ương Trần Tuấn Anh rnê âk "Njăr trong hăn nai dak si mom ƀư tĭng nău Wa, hăn kơl êng an n'hâm suan nsum mpôl ngăch dăng" năm aơ, nkre lah rjăp: Tâm rơh lôch bah ji COVID, mbra ŭch geh dŭt âk nău nsrôih tâm nău rêh bah nuĭh ƀon lan ta rơh "plơ̆ tay kơt ơm  mhe", gay n'hâm suan n'hanh nuih n'hâm bah nuĭh ƀon lan ngăch dăng, tâm nê geh mpôl kan dơi đăp mpăn, njêng ntŭk gŭ rêh, jâng nsing an ăp nău kan ƀư njêng tăch rgâl n'hanh nău kan nsum bah neh dak dơi đăp mpăn n'hanh hun hao tay. Wa Trần Tuấn Anh lah rjăp:

        “Gâp nsing nơm đah nuih n'hâm blău ƀư mhe, hăn chŏl lor, hăn kơl êng, nsrôih rlău ăp ntil nău jêr jŏt, Njăr trong hăn nai dak si mom ƀư tĭng nău wa năm 2022 mbra dơi geh tât ăp nău ndơ̆ luh, đah hang rkeh nuĭh ƀon lan dơi but săm ji, mbơh nti, sĭt ngăch dăng tay n'hâm suan lôch bah ji Covid. Gâp dŭt rhơn đah ăp rnoh tât kan, trong rƀŏng n'hanh ăp rnoh di rƀŏng tâm tĭng nuĭh ƀon lan. Nău nê mpơl nău khlay kan bah nuĭh ƀon lan lah tơm mpôl lam trong kan chính trị tâm ăp trong kơl n'hanh tâm ăp nău kan kơt mpôl druh ndăm”.

Ta rơh lễ luh hăn kan, rlău 1.200 nuĭh ji COVID-19 hŏ sơch but săm, siêu âm, uănh năl mham, ntĭm nti đăng ký mât chăm n'hâm suan ma ndơ pet bah ngai bah Vinbrain n'hanh tổng đài mât chăm n'hâm suan. Nkhêp geh rnôk dja, Ban bí thư Trung ương Đoàn hŏ pă an 40 nklâm ndơ an ăp rnăk dơi kơl n'hanh kon se geh nău rêh jêr jŏt; chop khâl rgŏ jă Y bác sĩ nhih dak si Trung ương Huế n'hanh nuĭh ji râng but săm lôch bah nuh srê COVID-19…

Mhe aơ nơh, ta ăp n'gor, nkual ƀon têh lam dak hŏ ƀư luh hăn kan "Njăr trong hăn nai dak si mom ƀư tĭng nău Wa”. Ăp n'gor hŏ ƀư but săm ji mât chăm n'hâm suan lôch bah ji Covid-19, phăt dơm dak si n'hanh pă nklâm ndơ an rlău 50.000 nuĭh ƀon lan n'hanh kon se jê̆ geh nău rêh jêr jŏt lam dak, nkre mbơh nti, ntĭm nti đăng ký but săm, mât chăm n'hâm suan mbro an rlău 100.000 nuĭh ƀon lan đăng ký. Tiến sỹ - Bác sỹ Nguyễn Tiến Quang, Kruanh Hội đồng mât uănh Nhih dak si K (Hà Nội) lah rjăp:

“Ta nhih dak si K geh mpôl nai dak si mom mpeh Hội nai dak si mom Việt Nam mât đŏng. Nsing ta nê, rlău ma nău kan but săm ji ăp nar mpeh tŭl ndâng, ăp nai dak si râng tâm nău kan nsum, but săm n'hâm suan lam ƀon lan đŏng. Hội rgŏ jă, mpôl hên mbra tâm pă mông nar, nuĭh kan râng nău kan dja đŏng”.

        Bah năp nê, tâm rơh nuh srê COVID-19 hôm tât krit nji, Njăr trong hăn Nai dak si mom ƀư tĭng nău Wa, ŭch kơl mât chăm êng n'hâm suan an nsum mpôl hôm dơi ƀư đŏng đah ăp trong nkra ngăch prăl, tâm di đah nô nău rdâng lơh nuh srê ta ăp n'gor, nkre đah mât chăm n'hâm suan bah ngai dŏng telehealth n'hanh nău kan lor nchrăp but săm ta ƀon lan bah ăp Hội, Câu lạc bộ nai dak si mom lam dak. Bah meng nê, Hội rgum rlău 130 rmen ndơ ntop kơl nai dak si ta bôk trong rlong sial, ntoh lư đah ăp trong ntĭt leo ƀư container pă an oxy, container hăn uănh năl mham n'hanh but săm ji. Mpôl nai dak si mom ndrel hăn hŏ rgum bơi 20.000 nuĭh râng kơl êng lam dak, but săm, mbơh nti n'hanh rdeng hao săm nhih dak si têh bah lơ an bơi 4 rkeh tơ̆ nuĭh ƀon lan. Ndrôm si ƀŭt mât chăm n'hâm suan rnôk ntưp COVID-19 bah Hội hŏ dơi tâm pă tât rlău 10 rkeh tơ̆ nuĭh pơk uănh./.

Nuĭh rblang: Điểu Thân

Tags:

Viết bình luận

TIN CÙNG CHUYÊN MỤC