![](/themes/custom/vov_4/images/avatar.png)
VOV4.M’nông: Măng 4/8, ta Ngih mprơ Nkuăl ƀon têh Hồ Chí Minh geh nar ntơm ƀư Liên hoan phát thanh lam dak tal XV năm 2022 đah nkô̆ “ƀư tĭng nau ntrơn rgâl-dơi tĭng rlet rlau”. Ntơm bah rlau 500 nau tâm rlong, Rnâng kan hŏ săch luh 203 nau nchih geh lăp tâm nau tâm rlong tay tâm ăp nau ƀư ntơm bah phóng sự, ôp nau, nau ngơi tâm ơh, ntoh ngơi sŏng dăng. Ntoh nau tâm nar rđau, wa Nguyễn Trọng Nghĩa, Bí thư Trung ưong Đảng, Kruanh Rnâng kan Tuyên giáo Trung ương mbơh, liên hoan ƀư tâm rnôk lam Đảng, lam ƀon lan ndrel lam tahen nơm nsôih tâm rlong, nsôih ƀư ân dơi nau nau ntrŭnh Đại hội ntoh măt lam dak tal 13 bah Đảng, nkre nsum nuih n’hâm ƀư tĭng ăp nau ntrŭnh, nau đă bah Đảng ndrel Ngih dak gay ma ndâk njêng ndrel hun hao văng sa, rêh jêng jêh bah srê Covid-19.
Wa Nguyễn Trọng Nghĩa đă Radio Việt Nam lah nsum ndrel nŭih ƀư Báo phát thanh lam dak ân ƀư tĭng rjăp nau ntĭnh bah Kruanh Hồ Chí Minh. Ntoh ngơi Việt Nam ân geh jêng kêng nkoch ăp nau geh tâm nau rêh jêng, đah nkô̆ nau ndâk njêng nau ntrŭnh ân tâm di, geh n’hâm dơi tâm nau ngăn, rgop tâm nau mât nâp đăp mpăn chính trị rêh jêng ndrel hun hao neh dak, pơk hvi nau ƀư tơm bah ƀon lan, n’hao nau rđau kan bah Đảng, nau mât kan bah Ngih dak đah kon nŭih./.
Nŭih rblang: H’Thi
Viết bình luận