Kêng măng 8/5, Thủ tướng Chính phủ Phạm Minh Chính, Kruanh Rnâng kan rđau kan Ngih dak ăp ntŭk kan, nau kan khlay bah neh dak, tơm lah Ntŭk kan Gung trong nchuăn rdeng (Rnâng kan rđau kan) ƀư tơm nar rƀŭn tal 11 bah Rnâng kan. Nkah nkô̆ nau Đại hội 13 bah Đảng lah tât năm 2025 lam dak geh 3000 km trong hăn ngăch tât năm 20230 lam dak geh 5000 km trong hăn ngăch, lah rjăp, nau kan ƀư tâm năm 2024 lah âk, knŭng hôm e 7 khay.

 Thủ tướng Chính phủ đă ăp n’gâng kan, ntŭk kan, nkuăl ân geh nsôih lơn tay, rgum doh rklaih nau jêr, nkol, ntrŭnh ƀư ăp nau kan gay ăp nau kan geh ƀư đăp mpăn ngăch, nâp, ueh, đăp mpăn ntŭk ntu, rdâng sa khâm, mô ueh. Mpeh nau ƀư, Thủ tướng đă ăp n’gor, nkuăl ƀon têh bonh đă tơm ntuh kơl rgum tŏng nŭih, ndơ dŏng gay ƀư kan nkre mât ân rjăp nau kan, nau nâp ndrel năl doh rklaih ăp nau jêr, nkol, tŏng dơi nau nchrăp luh, đah ăp nau kan mbrơi ƀư ân geh rđau ăp tơm ntuh kơl ntop nŭih, ndơ dŏng gay ƀư ân đăp mpăn nau ngăch kan./.