
VOV4.M’nông: Nar aơ lơ 7/7, ăp kon se tâm lam dak ntơm lăp tâm rơh thi tốt nghiệp THPT năm aơ, đah môn thi Ngữ văn tĭng nau bư tự luận, mông thi 120 mnĭt. Kêng măng, thi môn Toán. Lam dak geh 63 hội đồng thi, đah 2.243 ntŭk thi. Geh 38 kon thi nti dôl ma F0 râng thi, Tĭng nau mbơh ngăch bah N’gâng kan ntĭm nti, tât rnôk 8h30 măng 6/7 hŏ geh rlau 899 rbăn kon se tât ăp ntŭk thi bah lam dak gay ma ƀư săm ƀŭt râng thi, hôm rlau 10 rbăn kon se ê ƀư săm ƀŭt dăn lăp thi. Tâm ôi aơ, ăp kon se lŏ ƀư săm ƀŭt gay lăp thi lor ma thi môn bôk năp bah Rơh thi lah môn Ngữ Văn. N’gâng kan ntĭm nti mbơh, rđil rơh thi tốt nghiệp năm e, rơh thi năm aơ geh du đê̆ nau rgâl mpeh nau kan tâm rnôk ƀư thi, gay n’huch nau mô geh tâm di tâm rnôk thi. Ri ma, ăp kon se ân geh ƀư tâm di nau ntrŭnh thi ndrel nau ntĭm bah nai uănh thi. Đề thi năm aơ mra rgum tâm nau tă geh nti ndrel hôm geh nau tâm pă tâm ban, bah nê gay ma săch nkah kon se thi, tâm ban đah nau ŭch bah âk ngih săm ƀŭt Đại học, sŏk nau tă geh bah rơh thi gay ma ân lăp./.
Nŭih rblang: H’Thi
Viết bình luận