
VOV4.M'nông: Ôi 1/7/ ta Dak lak, Thủ tướng Chính phủ Phạm Minh Chính ƀư tơm tâm nchră n'glôch jêh tĭng ƀư Nghị quyết mbrô 10-NQ/TW nar 18/01/2002 n'hanh n'glôch jêh mbrô 12-NQ/TW nar 24/10/2011 bah Bộ Chính trị mpeh hun hao wăng sa- rêh jêng kon nuĭh n'hanh đăp mpăn njrăng n'gang neh dak rnă njrăng nkual Tây Nguyên.
Ta rơh tâm nchră, ăp nuĭh rgum tâm ôp, uănh năl nău ngăn geh nău leo an ƀư n'hanh nău dơi hŏ geh, ntŭk rbăn lhơ n'hanh nkô̆ nău lôch 20 năm tĭng ƀư Nghị quyết 10-NQ/TW n'hanh n'glôch jêh mbrô 12-KL/TW; ntrŏng ntŭk gŭ kan, nău khlay kan, trong dơh soih, nău khlay n'hanh nău ring tam bah nkual Tây Nguyên đah hun hao wăng sa- rêh jêng kon nuĭh, njrăng n'gang neh dak, rnă njrăng bah nkual đah nkual Đông Nam Bộ, Duyên hải Nam trung bộ, njônh hun hao Việt Nam - Lào - Campuchia n'hanh lam dak; Lah ta rơh tâm nchră, Thủ tướng Chính phủ Phạm Minh Chính hŏ rblang ăp nău săk geh, dơh uĕh ntoh lư nkre nchŏng kloh ăp nău nchiăng khan, rbăn lhơ, nău khoah. Thủ tướng lah rjăp: Hun hao nkual Tây Nguyên ân rgum n'hanh nkre đah nkra ăp kôp lĕ mpeh chính trị, nău mĭn, wăng sa, rêh jêng kon nuĭh, ntŭk gŭ rêh, njrăng n'gang neh dak, rnă njrăng; nkre đah hun hao wăng sa nkre đah nău nkra ăp nkô̆ nău lam rêh jêng kon nuĭh, trong kơl rnoi mpôl đê̆, chroh rƀŭn; rdâk tay nău n'hao êng săk, ƀư rnoh khlay lịch sử, văn hóa, way ơm cách mạng, nău mĭn, nău rŏng nsan hao, nsrôih ndôr êng, tâm rnglăp jêng suan ntrôl hun hao./.
Nuĭh rblang: Điểu Thân
Viết bình luận