Thủ tướng Chính phủ Phạm Minh Chính ƀư tơm rơh rƀŭn tal 15 bah Ban ntĭm rđău Ngih dak njrăng n’gang srê Covid-19
Thứ tư, 01:00, 06/07/2022


VOV4.M’nông – Ôi 5/7 Thủ tướng Chính phủ Phạm Minh Chính ƀư tơm rơh rƀŭn tal 15 bah Ban ntĭm rđău Ngih dak njrăng n’gang srê Covid-19. Ntoh ngơi ta rơh rƀŭn Thủ tướng Chính phủ Phạm Minh Chính đă ăp nuĭh ntoh măt rgum tâm nchră, uănh lah mpeh nu nău chôt srê ta lam ntŭr neh, nkual n’hanh tâm dak, ăp nu nău mhe, êng, ăp ntŭk jêr jŏt, ndơ̆ luh nău rƀŏng, nău mĭn êng, nău ntĭm rđău, trong mkra gay njrăng n’gang tay srê Covid-19 tâm khay tât. Aƀaơ, tâm dak, hôm e geh ntŭk, geh rnôk thơ tha, jêh rnôk srê ntơm dơi uănh nđôi, lơn lah ngăch chuh vaccine hôm e mbrơi, mô hŏ geh nău rƀŏng n’gluh an, tâm nĕ geh nău chuh vaccine an kon se bah 5 tât 11 năm deh n’hanh nglai tal 3 an nuĭh bah 12 tât 17 năm deh, bôl Chính phủ, Thủ tướng Chính phủ lĕ ntĭm rđău na nao. Thủ tướng Phạm Minh Chính lah rjăp, Thủ tướng mô dơi thơ tha, roh nău njrăng; an geh trong nchrăp lor, dŭt n’hâm”. Tâm nĕ, ngăn ngên an saơ vaccine lah nău ntrŭnh. Nău chuh vaccine lah dơi an nơm, nău kan bah ăp nuĭh gay mât njrăng săk nơm, rnăk wâl n’hanh nsum mpôl.

 

Nŭih blang: Y Sưng Phê Ja

Tags:

Viết bình luận

TIN CÙNG CHUYÊN MỤC