
VOV4.M'nông: Kêng măng 06/7, ta Nhih pah kan Chính phủ, Thủ tướng Chính phủ Phạm Minh Chính hŏ geh rơh wơt Bộ trưởng Ngoại giao Liên bang Nga Sergey Lavrov. Ta rơh wơt, Thủ tướng Chính phủ Phạm Minh Chính rnê âk nău dơi geh tâm boh uĕh đah bar ding hŏ dơi geh tâm bah ri aơ nơh. Thủ tướng Phạm Minh Chính lah rjăp Chính phủ Việt Nam way uănh khlay tâm boh Têh jong lam lĕ rngôch đah Nga, ŭch rŏng pah kan jru hvi n'hanh geh nău tam lơn tâm boh bar ding ta lĕ rngôch ăp trong kan đah nuih n'hâm ngăn ngăn, tâm nsing nơm nsum. Bar ding tâm ban ŭch lĕ rngôch ntrŭt ntrôl an ƀư ăp nău tâm ton gưl têh hŏ dơi geh tâm rơh hăn khâl bah Kruanh rđău kan bar dak; lah rjăp mât jâng nsan tâm boh tâm ăp trong kan way ơm n'hanh săk geh dăng bah bar ding./.
Nuĭh rblang: Điểu Thân
Viết bình luận