Kêng măng 8/5, ta Nhih pah kan Chính phủ, Thủ tướng Chính phủ Phạm Minh Chính hŏ wơt wa Trương Khánh Vĩ, Groi Ủy viên Nhân đại lam dak (jêng lah Quốc hội) dak Cộng hòa nhân dân Trung Hoa. Ta rơh wơt, Bar ding tâm ban ŭch an lah tâm boh bar Đảng, bar dak tâm bah ri aơ hŏ geh njuat hun hao dŭt uĕh, lơn lah lôch tâm hăn khâl nsum bah bar Tổng Bí thư. Thủ tướng Phạm Minh Chính lah rjăp Đảng, Ngih dak Việt Nam way uănh hun hao tâm boh tâm rnglăp đah Trung Quốc lah sơch trong nchrăp têh jong, an ƀư lor bôk năp tâm lĕ rngôch gung trong tâm boh dak bah dih bah Việt Nam.

Thủ tướng dăn đă tâm let năp tay, bar ding n’hao âk tay tâm mâp gưl têh n’hanh ăp gưl, ntrŭt ntrôl jêng nău way đă tĭng trong tâm nđŭr, tâm boh; ntrôl dăng buăt nthoi têh jong, njêng suan ntrôl hun hao mhe an tâm boh đah bar dak. Groi Ủy viên Nhân đại lam dak Trung Quốc Trương Khánh Vĩ lah rjăp Trung Quốc uănh khlay hun hao tâm boh đah Việt Nam, way uănh aơ lah trong an ƀư lor tâm  lĕ rngôch trong kan tâm boh tâm kâng n’har bah Trung Quốc ntrŭt ntrôl tâm boh têh jong lam lĕ rngôch, mpôl  tâm pă nsum trong hăn let năp tay Việt Nam - Trung Quốc geh nkô̆ têh khlay mô rlu hun hao jru hvi, ngăn ngăn lơn đŏng tâm let năp tay.