
VOV4.M’nông- Ôi nar 30/6, ta ntŭk kan trung ương Đảng, n’gâng kan chính trị, Ban Bí thư leo ƀư rơh rƀŭn nchră nglôch lôch 10 năm nău kan njrăng rdâng sa nkhiăn, sa ƀer mpŭng lir lvang năm 2012-2022 đah nău leo kan bâh Tổng Bí thư Nguyễn Phú Trọng, kruanh rnâng kan ntĭm leo Trung ương mpeh njrăng rdâng sa nkhiăn, sa ƀer. Ntoh ngơi ntĭm leo rơh rƀŭn nchră, Tổng Bí thư Nguyễn Phú Trọng lah na nê̆ 6 nău an geh kơt nti khlăy, geh nău khlăy mpeh lý luận n’hanh nău ngăn, tâm nĕ, an geh gĭt na nê̆ tŏng ăp, kloh rjăp ntŭk kan, nău khlăy bâh nău kan njrăng rdâng sa nkhiăn, sa ƀer, mpŭng lir, nău kan mô ueh đah nău leo kan, ntĭm đă, rgum mbơh dơn ngoăy bâh Đảng, ma sŏng dăng, ƀa ƀơ lah rnâng kan ntĭm leo Trung ương mpeh njrăng, rdâng sa nkhiăn, nău kan mô ueh mô di bâh n’gâng kan chính trị.
Nkoch tât nău kan tâm let năp tay, Tổng Bí thư Nguyễn Phú Trọng dăn đă, rnâng kan ntĭm leo Trung ương, ăp rnâng kan ntĭm leo gâl n’gor n’hanh ăp ntŭk kan , nău kan mô ueh bâh n’gâng kan chính trị, rnâng kan ntĭm leo Trung ương tâm ban kơt ta ntŭk kan ba dâng, an geh nsrôih tay lơn ta trong rgâl mhe, n’hao nău ueh di, săk rnglăy pah kan njrăng rdâng nău sa nkhiăn, sa ƀer tâm lvang hun hao mhe.
Nuĭh rblang: Thị Đoắt
Viết bình luận