Tĭng ƀư Đề án "Rdâk njêng trong ntĭt leo hợp  tác xã ntil  mhe  nkre  đah hun hao rêng rnoh khlay ndơ geh ƀư, ndơ  tăch khlay, têh âk  n’hanh suang ring tam hvi", Liên minh Hợp tác xã n’gor Dak lak lor nchrăp  buăt nthoi đah ăp  doanh nghiệp tâm rgop tăch ndơ tuch tăm an ăp  nuĭh lăp kan nsum  tâm ăp hợp tác xã.

Ăp nar bôk năm mhe, Liên minh Hợp tác xã n’gor Dak Lak hŏ buăt nthoi geh nău dơi đah Công ty TNHH tăch n’gluh n’glăp Chơn Chính n’hanh Công ty Cổ phần Nông nghiệp xanh Chơn Chính (n’gor Đồng Tháp) tâm rgop srih tăm  n’hanh tăch phe ba an 10 hợp tác xã ta n’gor. Lĕ rngôch rnoh hvi ký ton bôk  năm lah 1.000 ha, nchrăp  rnoh hvi ký  ton tâm rơh tăm bah kơi lah 4.000 ha. Tĭng nê, doanh nghiệp ton kơl  ăp  tŏng ndơ  dŏng kan tuch tăm bôk  năp, đăp mpăn  trong tăch luh đah rnoh khlay lơn ntŭk tăch rgâl 100 rêl/kg ba. Mpeh ăp hợp tác xã tâm rgop đăp mpăn tơm ndơ tăch,   săk kah uĕh an doanh nghiệp.