TN7: Ôi 19/12, ta nkual ƀon têh Buôn Ma Thuột, N’gâng kan tuch tăm mât rong n’hanh hun hao n’gor Dak Lak tâm rgop đah N’gâng kan tuch tăm mât rong n’hanh hun hao ƀon lan n’gor Quảng Ngãi ƀư rgum nchră ntrŭt ngăch tăch rgâl n’hanh boăt nthoi tăch rgâl du đêt ndơ OCOP năm 2023. Ta rgum nchră, ăp nuĭh tơm OCOP 2 n’gor Quảng Ngãi n’hanh Dak Lak lĕ nkoch mbơh n’hanh tâm pă mpeh ăp ndơ kah uĕh bah ăp n’gor kơt:

dak mắm Mười Quý, tỏi Lý Sơn, quế Trà Bồng, ka bống dak me Trà bah n’gor Quảng Ngãi; cà phê môi uĕh kah, sầu riêng pâr thăng hoa, mắc ca, ca cao, trà mãng cầu bah n’gor Dak Lak. Aơ lah ăp ndơ ntĭt mpơl bah 2 n’gor, dơi ntrŭt ngăch tăch rgâl tâm ăp trong tâm pă gay hun hao ntŭk tăch đăp mpăn ta ăp n’gor n’hanh lam dak. Ta rgum nchră, ntoh măt 20 nuĭh tơm bah 2 n’gor lĕ ký ton sam ƀŭt kan ndrel đah nklăp 50 ndơ OCOP n’hanh ndơ kah uĕh ta ntŭk.