Ndâk bri tâm rnôk tăm cà phê, tăm cà phê tâm rgop ma mât njrăng bri gay rdâng đah nau rgâl mhe trôk nar. Aơ lah ngoai tâm du đê̆ nau kan geh mbơh nchră “Ndâk nau tâm Dak Lak: Nau tât ueh ndrel ntul rlong” yor ntŭk kan mât njrăng bri nhiệt đới ƀư tâm lơ 15/12, ta nkuăl ƀon têh Buôn Ma Thuột. Dak Lak rnôk aơ geh rlau 657 rbăn ha neh tuch tăm, hun hao ăp ntil tơm tăm công nghiệp kơt cà phê, cao su, tiêu, điều, tơm sa play. Tâm nê cà phê geh rnoh bơi tât 213 rbăn ha, đah rnoh geh rlau 550 rbăn tấn/năm.

Tâm rnôk tâm nchră, ntoh măt nchră nau săk tam bah nau ntrŭnh ƀư nau kan gay ma ndâk bri, ngăn lah đah nau tăm cà phê nsum ma nau tăm bri. Ntoh măt ân lah, nau kan aơ hŏ leo tât nau săk geh văng sa, n’hao nau săk geh ân nŭih tăm. Nau khuch mpeh nau tât tâm nau rêh bah nau rgum nŭih kan ndrel n’hao nau geh nar hăn kan, Nkre lah njêng luh nau săk tam đah ntŭk ntu, kơl huch nau dŏng dak bah mir tơm, mât đăp mpăn nrh l’ĭt, ngăn lah tâm yan vai./.