Tâm trôm nar ƀư Festival Mât ndray n’hanh ntik n’hao ƀon hăr blău ti kan năm 2023, ôi ntri (9/11) ta Hà Nội, Bộ Nông nghiệp n’hanh Phát triển nông thôn kan nsum đah Ủy ban nhân dân nkual ƀon têh Hà Nội ƀư rgum nchră tâm mâp 100 nuĭh hăr blău ti kan ntơh măt an rlău 2 rbăn 107 nuĭh hăr blău ti kan, n’hanh rlău 3 rkeh 650 rbăn nuĭh kan tâm ăp n’gâng kan lam dak.

Lah rjăp, ăp nuĭh hăr blău ti kan dơi uănh tâm ban kơt săk huêng bah ăp nău kan, ƀon hăr blău ti kan way ơm, ăp nuĭh ƀư njêng ăp ndơ geh ƀư rup  uĕh “ăp nău blău rsang rnglăy rnoh khlay”, ăp nuĭh rgop an nău rdâk njêng văn hóa Việt, văn hóa ƀon hăr blău ti kan n’hanh trêng nti tay an rơh kon său bah kơi tay, Bộ trưởng Bộ Nông nghiệp n’hanh Phát triển nông thôn Lê Minh Hoan dăn đă, Cục wăng sa tâm boh n’hanh hun hao ƀon lan gŭ mĭn gay dăn đă ăp trong nkra gay n’hao rnoh khlay ăp ƀon hăr blău ti kan, lơn lah ăp ndơ geh ƀư bah nuĭh hăr blău ti kan./.