Nkhêp geh hăn khâl n’hanh râng Pơh lễ Văn hoá Pâl nđaih Gia Lai 2023, Bộ trưởng Bộ Nông nghiệp n’hanh Phát triển Nông thôn Lê Minh Hoan hŏ geh rơh mâp, tâm nchră ndrel ăp doanh nghiệp ƀư cà phê ta n’gor wăr nkô̆ nău n’hao rnoh khlay n’gâng kan cà phê.

Năl dơi săk geh n’hao rnoh khlay bah n’gâng kan cà phê, bôk năm 2023, UBND n’gor Gia Lai njêng Ban rđău đă Đề án rlong rdâk njêng nkual tăm di rnoh an tăch tâm dak n’hanh tăch n’gluh ta n’gor Gia Lai lvang năm 2022- 2025. Ta rơh mâp, Bộ trưởng Lê Minh Hoan hŏ nkoch ăp njônh uănh mhe mpeh n’hao rnoh khlay cà phê bah nău tâm rnglăp gay rdâk njêng săk ntơ lư nsum mpeh cà phê Gia Lai, rdâk njêng n’hanh hun hao ăp rnoh khlay mhe an cà phê nơm geh nkre đah pâl nđaih, blău njêng mhe tĭng nău ŭch rvăt, nău bên nuĭh dŏng, kơt nti bah trong n’hao rnoh khlay ndơ tuch tăm bah ăp dak kâng n’har./.